Бу ҳақда Бош прокуратура ҳузуридаги Департамент хабар қилди.
Маълум қилинишича, “Мирзо Улуғбектумангаз” бўлими
ходими Х.А. фуқарога тегишли бинога газ тармоғи улаш масаласини ҳал қилиб
беришни ваъда қилган.
У юқори лавозимда ишловчи танишлари орқали техник
шартнома расмийлаштириш, техник шартларга ўзгартириш ва қўшимчалар киритиб
бериш эвазига 3 минг АҚШ доллари талаб қилган.
Тезкор тадбир давомида мазкур маблағнинг 1 минг АҚШ
доллари Х.А.нинг топшириғига кўра бошқа шахс — фуқаро Н.Б. томонидан
олинаётган вақтда ашёвий далиллар билан ушланган.
Ҳолат юзасидан Жиноят кодексининг 168-моддаси
(фирибгарлик) ҳамда 28, 211-моддаси (пора беришга далолат қилиш) билан
жиноят иши қўзғатилган.
Айни пайтда тергов ҳаракатлари олиб борилмоқда.
