Тошкентда Ўзбекистон терма жамоасининг ЖЧ-2026 ўйинларини томоша қилиш учун 13 та майдон очилади

Бу ҳақда пойтахт ҳокимлиги маълум қилди.

Қайд этилишича, мухлислар ўйинларни

• Бектемир туманидаги Роҳат маҳалласида,

• Мирободдаги “Фурқат” боғида,

• Мирзо Улуғбек туманидаги “Central Park”да,

• Олмазордаги “Ғалаба боғи”да,

• Сергелидаги Марказий хиёбонда,

• Учтепадаги “Сеул Эко парк”да,

• Чилонзордаги “Ғафур Ғулом” боғида,

• Шайхонтоҳурдаги “Анҳор-Локомотив” боғида, Юнусобод спорт мажмуасида,

• Яккасаройдаги “Дўстлик” боғида,

• Янгиҳаётдаги INDEX паркда,

• Яшнободдаги “Ашхобод” сайилгоҳида томоша қилиши мумкин бўлади.

Шунингдек, энг йирик томоша майдони “Бунёдкор” стадиони ҳудудида ташкил этилади. Бу ерда бир вақтнинг ўзида 10 минг нафаргача мухлис миллий терма жамоани қўллаб-қувватлаш имкониятига эга бўлади.

Ўзбекистон миллий терма жамоасининг гуруҳ босқичидаги ўйинлари жадвали (Тошкент вақти билан):

Ўзбекистон - Колумбия (18 июнь | 07:00)

Эслатиб ўтамиз, Ўзбекистон терма жамоаси ўйинлари бутун республика бўйлаб мактабларнинг катта экранларида ҳам намойиш этилади.

Тошкентда ўйинларни 12 та мактабда томоша қилиш мумкин: Nо293, Nо110, Nо27, Nо133, Nо317, Nо228, Nо168, Nо314, Nо12, Nо135, Nо255 ва Nо329. Мактабларнинг тўлиқ рўйхати билан бу ерда танишиш мумкин.