Бош прокуратура ҳузуридаги Департаментнинг Хоразм вилояти бошқармаси ва бошқа ҳуқуқни муҳофаза қилувчи органлар ходимлари ҳамкорлигида тезкор тадбир ўтказилган.
Тадбир давомида «Хоразм сув таъминоти» АЖ юридик инспектори З.А. ашёвий далиллар билан қўлга олинган. Маълум қилинишича, у муқаддам судланган бўлиб, фуқаро О.А.нинг ишончига кирган.
Инспектор гўёки юқори лавозимларда ишловчи танишлари орқали савдо шохобчасини ичимлик суви таъминотига улатиб, техник шарт ҳужжатларини расмийлаштириб беришини ваъда қилган ва бунинг эвазига 6 млн сўм олган.
Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
