Бу ҳақда Транспорт назорати инспекцияси Ахборот хизмати раҳбари Фирдавс Хайриддинов брифингда маълум қилди.

Шу даврда ўтказилган 1 968 та назорат тадбирида 5 815 та қоидабузарлик аниқланган. Уларнинг 5 531 таси йўл-қурилиш объектларига тўғри келган. Қолган 284 таси йўлни ўзбошимчалик билан қазиш, сунъий нотекислик ва тўсиқлар ўрнатиш ҳамда қазилган жойларни тиклаш билан боғлиқ.

Йўл-қурилиш объектларини рўйхатга олишдан фойдаланишга қабул қилишгача бўлган назорат жараёнлари «Йўл сифат назорати» ахборот тизими орқали юритилмоқда. Кўрсатмалар, тақдимномалар ва маъмурий баённомалар ҳам шу тизимда шакллантирилади.

Фуқаролар йўллардаги ноқонуний қазиш ва бошқа қоидабузарликлар ҳақида @tni_murojaat_bot орқали инспекцияга хабар бериши мумкин.