Хитойнинг Хунан провинциясида саноат корхонасида юз берган фожиа оқибатида кўплаб инсонлар қурбон бўлди ва жиддий жароҳат олди.
Шу муносабат билан Ўзбекистон Республикаси Президенти Шавкат Мирзиёев Хитой Халқ Республикаси Раиси Си Цзиньпинга ҳамдардлик билдирди.
Давлатимиз раҳбари вафот этганларнинг оила аъзолари ва яқинларига сабр-тоқат ва бардамлик сўзларини йўллаб, жароҳатланганлар тез фурсатда шифо топишини тилади.
