Гап инкубацион тухум, бир кунлик жўжалар, истеъмол тухуми, парранда гўшти ҳамда қуён гўштини экспорт қилиш учун зарур бўлган беш турдаги сертификатлар ҳақида кетмоқда.

Қайд этилишича, мазкур келишув Ўзбекистон чорвачилик маҳсулотларининг БАА бозорига расман кириб бориши учун ҳуқуқий асос яратади. Шунингдек, бу икки давлат ўртасида чорвачилик маҳсулотлари савдосини кенгайтириш ва товар айирбошлаш ҳажмини оширишга хизмат қилиши кутилмоқда.

Маълумот учун, ветеринария-санитария сертификати маҳсулотнинг импорт қилувчи мамлакат санитария талабларига мувофиқлигини тасдиқлайди. Икки томонлама келишилган сертификат намунаси мавжуд бўлиши эса товарларнинг БАА божхонасидан ўтиши учун мажбурий шарт ҳисобланади.