Gap inkubatsion tuxum, bir kunlik joʻjalar, isteʼmol tuxumi, parranda goʻshti hamda quyon goʻshtini eksport qilish uchun zarur boʻlgan besh turdagi sertifikatlar haqida ketmoqda.

Qayd etilishicha, mazkur kelishuv Oʻzbekiston chorvachilik mahsulotlarining BAA bozoriga rasman kirib borishi uchun huquqiy asos yaratadi. Shuningdek, bu ikki davlat oʻrtasida chorvachilik mahsulotlari savdosini kengaytirish va tovar ayirboshlash hajmini oshirishga xizmat qilishi kutilmoqda.

Maʼlumot uchun, veterinariya-sanitariya sertifikati mahsulotning import qiluvchi mamlakat sanitariya talablariga muvofiqligini tasdiqlaydi. Ikki tomonlama kelishilgan sertifikat namunasi mavjud boʻlishi esa tovarlarning BAA bojxonasidan oʻtishi uchun majburiy shart hisoblanadi.