Ўзбекистон Президенти Шавкат Мирзиёевнинг БМТнинг Иқлим ўзгариши бўйича Ҳадли конвенцияси томонлари конференциясининг 31-сессияси (COP31) тадбирларида иштирок этиш учун Туркияга ташрифи доирасида ўтказилган учрашувда «Нол чиқинди» глобал альянси ташкил этилгани эълон қилинди.
Мазкур альянс давлат ва ҳукумат раҳбарларининг рафиқаларини табиий ресурслардан оқилона фойдаланиш ҳамда чиқиндиларни камайтириш тамойилларини илгари суриш йўлидаги саъй-ҳаракатларини бирлаштиришга қаратилган.
Учрашувда сўзга чиққан Зироат Мирзиёева таклиф ва самимий меҳмондўстлик учун Туркия Биринчи хоними Эмине Эрдўғанга миннатдорлик билдирди. Шунингдек, унинг «Нол чиқинди» ташаббусини халқаро миқёсда илгари суришга қўшаётган шахсий ҳиссасини алоҳида эътироф этди.
Ўзбекистон Биринчи хоними альянс ташкил этилишини қўллаб-қувватлаб, унинг доирасида экологик таълимни ривожлантириш, ёшлар томонидан илгари сурилган экологик лойиҳаларни қўллаб-қувватлаш ва амалга оширишга қаратилган қатор ташаббусларни илгари сурди.
