Дар чорабинӣ беш аз 200 нафар , аз ҷумла ходимони сиёсиву ҷамъиятии кишварҳои гуногун, роҳбарони вазорату
идораҳои Чин ва намояндагони корпуси дипломатӣ иштирок карданд.
Дар маросими ифтитоҳи конференсия Содиқ Сафоев мухтасар
дар бораи самтҳои асосӣ, ҳадаф ва вазифаҳои ислоҳоте, ки дар Ӯзбекистон дар
доираи бунёди Ӯзбекистони Нав амалӣ мешаванд, маълумот дод. Ҳамчунин пешниҳодҳое
ироа гардиданд, ки ба таҳкими фазои неки ҳамсоягӣ ва ҳамкорӣ, сулҳу дӯстӣ, ки
солҳои охир дар Осиё ташаккул ёфтааст, равона шудаанд.
Иштирокдорони чорабинӣ дар суханрониҳои худ аҳамияти таҳкими
ҳамраъйӣ, эътимоди мутақобила ва ҳамкорӣ миёни кишварҳои Осиё, таъмини пешрафт
ва шукуфоии муштаракро таъкид карданд.
Ҳамчунин бо роҳбарони як қатор ҳайатҳои хориҷии
иштироккунандаи конференсия мулоқотҳо баргузор шуданд. Аз ҷумла, дар ҷараёни
мулоқот бо муовини Раиси Маҷлиси намояндагони мардумии умумичинии Чин Ван
Дунмин масъалаҳои рушди минбаъдаи ҳамкории байнипарлумонӣ ва иҷрои вазифаҳои
муайяннамудаи роҳбарони ду кишвар баррасӣ гардиданд. Ҳамчунин имкони ташкили
сафари ҳайати Маҷлиси намояндагони мардумии умумичинии Чин ба Ӯзбекистон
мавриди баррасӣ қарор гирифт.
Дар ҷараёни суҳбат таъкид гардид, ки солҳои охир
муносибатҳои Ӯзбекистон ва Чин ба сатҳи баланд баромадаанд. Ван Дунмин нақши
муҳими роҳбарони ду кишварро дар ин раванд таъкид намуд.
Зимни
мулоқот бо президенти Академияи илмҳои ҷамъиятии Чин Гао Цян, ректори Донишгоҳи
Пекин Гао Сун ва ректори Донишгоҳи Синхуа Ли Лумин оид ба рушди минбаъдаи ҳамкорӣ
миёни Донишгоҳи ҷаҳонии иқтисод ва дипломатияи Ӯзбекистон ва муассисаҳои
пешрафтаи таҳсилоти олӣ ва илмӣ-тадқиқотии Чин табодули афкор сурат гирифт. Ҳамчунин
самтҳои нави ояндадори ҳамкорӣ муайян карда шуданд.
