Муайян гардид, ки ду нафар нозири Нозироти андози ноҳияи
Юнусобод бо маслиҳати пешакӣ ва бо истифода аз мақоми хидматии худ ба як соҳибкор
ваъда додаанд, ки барои иҷораи се мағозаи савдо дар Ҷамъияти саҳомии «Бозори
либосфурӯшии Чилонзор» мусоидат мекунанд.
Онҳо тавассути шиносони худ ваъда додаанд, ки дар тендери
кушода ғолиб омадани ҶММ-и мутааллиқ ба соҳибкорро таъмин намуда, инчунин дар
бастани шартномаҳои иҷораи объектҳои савдо кумак мерасонанд. Барои ин хидматҳо
мансабдорон 5 ҳазор доллари ИМА талаб кардаанд.
Дар ҷараёни амалиёти фаврӣ нозирони андоз ҳангоми бо роҳи
қаллобӣ гирифтани маблағи талабшуда дастгир шуданд. Маблағи пулӣ ҳамчун далели
шайъӣ мусодира гардид.
Айни замон нисбати гумонбарон парвандаи ҷиноятӣ оғоз
шуда, тафтишоти пешакӣ идома дорад.
Хадамоти давлатии амният аз шаҳрвандон даъват менамояд,
ки дар бораи чунин ҳолатҳои қонуншиканӣ тавассути рақами кӯтоҳи 1520
хабар диҳанд. Махфияти
шахсияти муроҷиаткунанда пурра кафолат дода мешавад.
