Аз ҷумла, дар ҷараёни амалиёти оперативӣ дар ноҳияи
Янгихаёти шаҳри Тошканд ду нафар боздошт шуданд. Аз онҳо 500 адад доруҳои
таъсирбахш мусодира гардида, ҳамчун далели шайъӣ ба қайд гирифта шуданд. Муайян
гардид, ки онҳо ба паҳн намудани ин мавод машғул будаанд.
Баъдан боз як паҳнкунанда, ки бо ин гурӯҳ иртибот дошт, боздошт
гардид. Аз ӯ низ 500 адад доруҳои мазкур ёфт шуд.
Минбаъд чорабиниҳои оперативӣ барои муайян намудани
манбаи пайдоиши ин доруҳо идома ёфтанд.
Дар натиҷа, дар шаҳри Оҳангарон
се нафар боздошт шуданд. Ҳангоми
кофтукови манзили онҳо муайян гардид, ки дар он ҷо лабораторияи
маводи мухаддир ташкил карда шудааст. Ҳамчун
далелҳои шайъӣ: 9 кг «Прегабалин», 500 грамм «Тропикамид», 600 адад
«Прегабалин», инчунин таҷҳизот ва мавод барои бастабандӣ мусодира шуданд.
Аз рӯи ин ҳолат тибқи қисми 5 моддаи 251¹ Кодекси ҷиноятии
Ҷумҳурии Ӯзбекистон парвандаи ҷиноятӣ оғоз гардидааст. Айни замон тафтишот
идома дорад.
Шаҳрвандони муҳтарам! Агар шумо дар ҳаёти ҳаррӯза бо
чунин қонуншиканиҳо рӯ ба рӯ шавед, лутфан ба рақами кӯтоҳи 1520-и Хадамоти
амнияти давлатӣ хабар диҳед. Махфияти шахсияти шумо кафолат дода мешавад.
