Дар оғози мулоқот Сарвари давлати мо махсус таъкид намуд,
ки дар солҳои охир муносибатҳои гуногунҷанбаи Ӯзбекистон ва Беларус ба сатҳи
сифатан нави рушд баромадаанд.
Таъкид гардид, ки дар доираи омодагӣ ба ин сафари расмӣ ҷаласаҳои
Комиссияи байниҳукуматӣ, Шӯрои соҳибкорон, машваратҳои сиёсӣ, вохӯриҳои доираҳои
таҳлилӣ, Рӯзҳои фарҳанги Ӯзбекистон ва дигар чорабиниҳо бомуваффақият баргузор
шуданд.
Бо қаноатмандӣ қайд гардид, ки гардиши мол миёни ду
кишвар босуръат афзоиш меёбад. Дар панҷ соли охир ҳаҷми он қариб се баробар афзуда,
соли гузашта ба қариб 1 миллиард
доллари ИМА расид. Аз аввали соли ҷорӣ бошад, гардиши мол боз 30 дарсад зиёд шудааст. Айни замон 360 корхонаи муштарак бомуваффақият
фаъолият доранд.
Сарони давлатҳо аз Нақшаи
чорабиниҳо, ки як рӯз пеш қабул гардида, қадамҳои мушаххасро оиди
расонидани гардиши мол ба 2 миллиард
доллар, инчунин татбиқи лоиҳаҳои нави ҳамкорӣ дар бахшҳои
кишоварзӣ, мошинсозӣ, дорусозӣ, саноати электротехникӣ, сабук, мебел ва дигар
соҳаҳои саноатро дарбар мегиранд, истиқбол карданд.
Ҳамчунин ҷонибҳо ба табодули таҷриба дар самти истифодаи
нерӯи атом барои ҳадафҳои осоишта ва бунёди зерсохтори марбут ба он ҳавасмандӣ
изҳор карданд.
Ба натиҷаҳои самарабахши Форуми сеюми минтақаҳои Ӯзбекистон ва Беларус, ки як рӯз
пеш дар шаҳри Минск баргузор шуд, баҳои баланд дода шуд. Дар доираи он маҷмӯи
назарраси шартномаҳои тиҷоратӣ ва созишномаҳои сармоягузорӣ ба имзо расид.
Ҷонибҳо омодагии худро барои идомаи дастгирии мутақобила
дар доираи созмонҳои байналмилалӣ, аз ҷумла Созмони Милали Муттаҳид, Иттиҳоди Давлатҳои Мустақил (ИДМ), Созмони ҳамкории Шанхай (СҲШ) ва Ҳаракати кишварҳои бетараф тасдиқ
карданд.
Ҳамчунин аҳамияти идомаи мубодилаи фаъол дар соҳаҳои фарҳангӣ
ва гуманитарӣ таъкид гардид.
Сарвари давлати мо ба Александр Лукашенко барои пешниҳоди
ташаббуси таъсиси Хиёбони дӯстии Ӯзбекистон
ва Беларус дар шаҳри Минск изҳори сипос намуд.
Тарафҳо ба мувофиқа расиданд, ки то охири соли ҷорӣ форумҳои муштараки сайёҳӣ, тиббӣ ва маориф
баргузор карда шаванд.
Дар ҷараёни ҷаласа инчунин маърӯзаҳои ҳамраисони
Комиссияи муштараки байниҳукуматӣ оид ба пешниҳодҳои мушаххас вобаста ба рӯзномаи
музокирот шунида шуданд.
Дар хотима, Президент Шавкат Мирзиёев ҳамтои белорусии
худ Александр Лукашенко даъват кард, ки ба Ӯзбекистон сафари расмӣ анҷом диҳад.
