Роҳбари ниҳоди сиёсати хориҷии Қирғизистон ба сарвари кишвари мо салому дуруд ва таманниёти неки Президенти Ҷумҳурии Қирғизистон Садир Жапаровро расонд.
Зимни мулоқот масъалаҳои мубрами таҳкими минбаъдаи муносибатҳои дӯстӣ, ҳусни ҳамҷаворӣ ва ҳампаймонии Ӯзбекистону Қирғизистон баррасӣ шуданд.
Ба татбиқи амалии тавофуқоте, ки зимни сафари давлатии Президенти Ӯзбекистон ба Қирғизистон дар моҳи июли соли ҷорӣ ҳосил шуда буданд, таваҷҷуҳи махсус зоҳир гардид.
Ҷонибҳо аз тамоюли мусбати афзоиши гардиши мол, густариши ҳамкории корхонаҳои пешрафта ва минтақаҳои ду кишвар, инчунин пешрафти амалии лоиҳаҳои бузурги минтақавӣ дар соҳаҳои энергетика ва нақлиёт изҳори қаноатмандӣ карданд.
Аҳамияти қабули Нақшаи чорабиниҳои фарҳангӣ ва башардӯстона, инчунин мубодилаҳо аз рӯи хатти минтақаҳо барои соли оянда таъкид гардид.
Ҳамчунин, ҷонибҳо оид ба масъалаҳои мубрами ҳамкорӣ дар минтақаи Осиёи Марказӣ табодули афкор карданд.
