Bu tumanda bunday holat birinchi marta qayd etilmoqda. Bemorning ahvoli haqida aniq ma’lumot berilmagan. Faqat uning tirik ekanligi aytilmoqda.
Borna virusi miyaning kuchli yallig‘lanishini keltirib chiqaradi va ko‘pincha o‘limga olib keladi. Bu kasallikni ot, sigir va qo‘y kabi qishloq xo‘jaligi hayvonlari yuqtirishi mumkin. Odamlarga virus, taxminlarga ko‘ra, yerqazuvchilar orqali yuqadi.
Masalan, bu hayvonlar yashaydigan omborlar va shiyponlarni tozalash paytida yuqish mumkin.
Germaniyada har yili borna virusini yuqtirishning 5–10 ta holati qayd etiladi. Bu holatlarning aksariyati janubiy Bavariya shtatida uchraydi. Merkur nashrining yozishicha, so‘nggi oylarda kasallikdan ikki kishi vafot etgan.
Bundan avval Germaniyaning shimolida bornavirusning ayrim holatlari Brandenburg va Quyi Saksoniya hududlarida qayd etilgan edi. Biroq Meklenburg — Oldingi Pomeraniya va Shlezvig-Golshteyn yerlarida bunday holat avval hech qachon kuzatilmagan, deb xabar berdi Kazinform.
