Joriy yilning 29-oktyabr kuni Izboskan tumanida istiqomat qilayotgan fuqarolarni murojaatlari boʻyicha tuman hokimi hamda sektor rahbarlari boshchiligida, sayyor qabul boʻlib oʻtdi. 

Qabulda 158 nafar fuqarolarning murojaatlari tinglanib, 140 ta murojaat ijobiy hal etildi. Qolgan 18 ta murojaat tegishli mutasaddi tashkilotlarga oʻrganish uchun yuborildi.

Jumladan: 32 nafar fuqarolarga mahalliy byudjetning orttirib bajarilgan mablagʻlari hisobidan qurilish materiallari, 50 nafariga viloyat hududidagi tibbiyot muassasalarida davolanishlari uchun imtiyozli yoʻllanmalar, 43 nafar fuqarolarga kuz-qish mavsumidan qiyinchiliksiz chiqish uchun 1 tonnadan koʻmir yetkazib berildi.

Bundan tashqari, 5 dona nogironlik aravachasi, 3 dona kir yuvish mashinasi, televizor hamda eshitish moslamalari fuqarolarning murojaatiga asosan oʻz egalariga topshirildi.