“Shu kunlarda Samarqand shahrida boʻlib oʻtayotgan ”Osiyo xotin-qizlar forumi"da ishtirok etish uchun Oʻzbekistonga tashrif buyurgan Birlashgan Millatlar Tashkiloti Bosh kotibi oʻrinbosari, BMT Ayollar tashkiloti ijrochi direktori Sima Sami Iskandar Bahus xonim bilan uchrashishdan mamnunmiz, — deb yozdi Oʻzbekiston TIV rahbari oʻzining telegram kanalida. — Bahus xonimning mamlakatimizda ayollar va qizlar uchun eng yaxshi sharoitlarni yaratishga qaratilgan islohotlarni doimiy qoʻllab-quvvatlab kelayotganini qadrlaymiz. Gender tengligini taʼminlash, xotin-qizlarning huquq va imkoniyatlarini kengaytirishga koʻmaklashish, jamiyatimizda ularning salohiyatini toʻliq roʻyobga chiqarish Oʻzbekiston hukumatining uzoq muddatli farovonlikka erishish yoʻlidagi ustuvor vazifalaridandir".