Muzqaymoq tarkibidagi kalsiy va vitaminlar tufayli organizmga foyda keltiradi, ammo shakar va yog‘larning ko‘pligi sababli me’yorni kuniga bir porsiyagacha (70–100 g) cheklash, oshqozon yoki oshqozon osti bezi bilan bog‘liq muammolarda uni iste’mol qilmaslik muhimdir.
Buni yodda tuting!
• Xavfsizligi kafolatlanmagan, saqlash va savdo qoidalariga rioya etilmagan holda sotilayotgan muzqaymoqlarni iste’mol qilish natijasida ovqatdan zaharlanishlar, o‘tkir yuqumli ichak kasalliklari kelib chiqishi mumkin.
• Muzqaymoqlar sifati va xavfsizligini kafolatlovchi hujjatlari mavjud bo‘lganidagina savdo qilinishiga ruxsat etiladi.
• Qadoqlangan muzqaymoqlar talab etilgan haroratda muzlatgichlarda saqlanishi shart.
• Muzqaymoqlarni xarid qilishda ularni saqlash sharoiti, qadog‘i va undagi iste’mol muddatiga doimo e’tibor berish kerak.
• Muzqaymoq sotuvchilar Sog‘liqni saqlash vazirligining 200-sonli buyrug‘i asosida tibbiy ko‘rikdan o‘tishlari va maxsus kiyim bilan ta’minlanishlari shart.
• Ko‘cha-ko‘ylar, belgilanmagan joylarda sotilayotgan muzqaymoqlarni, ayniqsa frezerli uskunalarda tayyorlangan muzqaymoqlarni xarid qilmang.
• Erib qolgan, butunligi buzilgan muzqaymoqlarni sotishga ruxsat etilmaydi.
Shuni yodda tutish kerakki, sog‘lom ovqatlanishning kaliti — me’yor. Mevali yoki shakarsiz turlarini tanlash orqali muzqaymoqdan vaqti-vaqti bilan xilma-xil ovqatlanishning bir qismi sifatida bahramand bo‘lish mumkin. Muvozanatga erishish uchun iste’mol qilinadigan muzqaymoq miqdorini kuzatib boring va uni boshqa foydali mahsulotlar bilan uyg‘unlashtiring.
