Joriy yilning 4-oktyabridan eʼtiboran mahalliy ziyoratchilarga umra ibodatini amalga oshirishga izn beriladi va Masjidul Haromning 30 foizi ochiladi, yaʼni kuniga 6 ming kishi kirishi mumkin boʻladi. 18-oktyabrdan esa Masjidul Harom va Masjidi Nabaviyning 75 foizgacha toʻlishiga ruxsat etiladi. 

Noyabr oyida nafaqat mahalliy, balki xorijlik ziyoratchilar ham umra amallarini ado etishlari mumkin. Shu oydan eʼtiboran koronavirusga qarshi choralar qoʻllangan holda Masjidul Harom va Masjid Nabaviy toʻliq ochiladi. 

Saudiya Arabistoni Ichki ishlar vazirligining bildirishicha, koronavirus xavfi boʻlmagan mamlakatlardan ziyoratchilarni qabul qilish bosqichma-bosqich boshlanadi, deb xabar beradi Azon.uz