Dastlabki natijalarga koʻra, ovozlarning 98 foizdan ortigʻi sanab chiqilgan holda “Tisza” partiyasi 138 oʻrinni qoʻlga kiritmoqda. Orbanning “Fidesz” partiyasi 55 oʻrin bilan cheklanib qolgan, oʻta oʻngchi “Our Homeland” partiyasi esa 6 oʻrin olgan.
Maʼlum qilinishicha, saylovlarda ishtirok etganlar soni rekord darajaga — 79,5 foizga yetgan. Bu Vengriya demokratik tarixidagi eng yuqori koʻrsatkichlardan biri hisoblanadi.
Madyar ikki yil davomida mamlakat boʻylab faol kampaniya olib borib, korrupsiya va tanish-bilishchilikdan charchagan aholini oʻz atrofiga birlashtirgan. U taʼlim va sogʻliqni saqlash tizimlarini isloh qilish, sud mustaqilligini tiklash hamda korrupsiyaga qarshi kurashni kuchaytirishni vaʼda qilgan.
Saylov natijalariga koʻra, uning partiyasi konstitutsiyaga oʻzgartish kiritish uchun zarur boʻlgan ikki uchdan bir qismi — 133 oʻrindan ham koʻproq mandatga ega boʻlishi mumkin.
Maʼlumotlarga koʻra, Viktor Orban raqibi gʻalabasini tan olib, Peter Madyarni tabriklagan. U saylov natijalarini “ogʻir va alamli” deb baholab, tarafdorlariga minnatdorlik bildirgan.
