Bu haqida Oʻzbekiston futbol assotsiatsiyasi maʼlum qildi.

Jamoa kiyinish xonasidagi maxsus doskaga ispan tilida «Muchas gracias, México! Mucha suerte en el Mundial!» («Katta rahmat, Meksika! Jahon chempionatida omad tilaymiz!») degan yozuvni qoldirdi. Xabar oʻzbekcha «Rahmat!» soʻzi bilan ham toʻldirildi.

Eslatib oʻtamiz, Oʻzbekiston milliy terma jamoasi Jahon chempionatidagi debyut uchrashuvida Kolumbiyaga qarshi maydonga tushdi. Qiziqarli va murosasiz kechgan bahs 3:1 hisobida Kolumbiya foydasiga yakunlandi. Oʻzbekiston safidagi tarixiy ilk golga Abbosbek Fayzullaev mualliflik qildi.

Shu tariqa, milliy jamoamiz Jahon chempionatidagi ilk ishtirokini futbol tarixidagi eng mashhur arenalardan biri — «Asteka» stadionida boshladi.