Биыл бұл салада шетелдік тәжірибе негізінде бірқатар жаңа тәсілдер енгізілді. Банктер махаллалармен байланыс орнатып, халықты жұмыспен қамтуға өз үлесін қосу отыр. Атап айтқанда, бірінші жартыжылдықта 3 миллионнан астам адам табысты еңбекке тартылды.
Кедейлікті қысқарту бағытында құрылған жүйе мен бөлінген қаражат өз нәтижесін беріп, биыл 1 шілдедегі жағдай бойынша кедейлік деңгейі 6,8 пайызды құрады.
Халықты жұмыспен қамтудың маңызды тетігі кәсіби білім сапасы. Бұл бағытта жұмыс берушілермен ынтымақтастықты кеңейту, біліктілікті арттыру жүйесін жаңа деңгейге көтеру және жеке сектордың қатысуын арттыру қажеттігі айтылды. Кәсіби білімнің еңбек нарығы талаптарына сай келмеуі кадр даярлау ісінде белгілі бір қиындықтарға алып келуде.
Еңбек қатынастарындағы кейбір талаптар кәсіпкерлерге, әсіресе шағын кәсіпорындарға күрделілік тудырып отыр. Жұмысқа қабылдау кезінде ақпараттық технологиялар толық пайдаланылмайды.
Сондай-ақ, қолданыстағы талаптар жұмыс берушілерді бос жұмыс орындарын ашық жариялауға ынталандырмайды. Бұл өз кезегінде мәліметтерді жасыруға, еңбек нарығын дұрыс саралауға және кәсіби білім бағыттарын нақтылауға кедергі келтіруде.
Таныстырылымда осы мәселелерді шешуге бағытталған жаңа жоспарлар мен бастамалар жайлы ақпарат берілді.
Оған сәйкес, еңбек органдары жұмыс берушілерге айыппұл салатын емес, серіктес ретінде әрекет ететін, оларға қызмет көрсететін құрылымға айналады.
Атап айтқанда, жұмыс берушілердің бос жұмыс орындары туралы міндетті ақпаратты бермегені және жолданған үміткерлерді жұмысқа алмағаны үшін айыппұлдар жойылуы ұсынылып отыр. Бұл арқылы жұмыспен қамту органдары жұмыс берушілерден нақты әрі шынайы ақпарат жинап, сол бойынша жұмыс іздеуші азаматтарды бағыттайды. Ал жұмыс беруші үміткерді қабылдау-қабылдамау шешімін өзі қабылдайды.
Бұл жүйені енгізу үшін арнайы электронды платформа құрылады. Алдымен ол Ташкент қаласында пилоттық жоба ретінде іске қосылып, кейін ел көлемінде таратылады.
Сонымен қатар, маман табу қиын бос жұмыс орындары кәсіби білімнің негізгі бағыттарына айналып, оқыту үдерістері мақсатты түрде ұйымдастырылады.
Кәсіби білім сапасын одан әрі арттыру мақсатында жеке сектор өкілдерін Кәсіби дағдылар орталықтарының жұмысына тарту, ал кейбір орталықтарды нақты салалар бойынша мамандандырылған оқу орындарына айналдыру жоспарланған.
Жауапты тұлғаларға кәсіби білімді үш деңгейлі жүйеге көшіру міндеті қойылды. Атап айтқанда, интернет арқылы тегін бейнесабақтарды енгізу, жұмыс істейтін азаматтарға қайта даярлықтан өту немесе біліктілікті арттыру үшін «кәсіптік ваучер» жүйесін қолдану жөнінде тапсырмалар берілді.
Мемлекет басшысы білікті кадрлар даярлау елдегі жұмыссыздық пен кедейлікті азайтатын басты факторлардың бірі екенін атап өтті.
