Сапардың бірінші күнінде БАӘ Экономика министрлігі мен Энергетика және инфрақұрылым министрлігінің басшылығымен кездесу және келіссөздер жүргізілді.
Атап айтқанда, Экономика министрі Абдулла бин Тук ал-Марримен болған диалогта екіжақты сауда-экономикалық және инвестициялық ынтымақтастықты кеңейтудің өзекті мәселелері, біріккен жобаларды жүзеге асыру үдерісі талқыланды.
Біріккен Араб Әмірліктерінің жаңа жеке меншік компанияларының Өзбекстан базарына шығуға мүдделі екені атап өтілді. Осыған тұрғыдан, химия, тау-кен металлургия және тоқымашылық өнеркәсібі ең болашағы бар бағыт ретінде тілге тиек етілді.
Туризм, химия, ауыл шаруашылығы, құрылыс және басқа да салалардағы компаниялардың мемлекеттік үлесін сатып алуды ескере отырып, БАӘ компанияларының Өзбекстанда жүзеге асырылып жатқан жекешелендіру үдерістеріне қатысу мүмкіндіктері қарастырылды.
Үстіміздегі жылдың май айында Самарқант қаласында Сайда-экономикалық және ғылыми-техникалық ынтымақтастық бойынша Өзбекстан-БАӘ Үкіметаралық комиссияның 5-жиналысын сондай-ақ біріккен бизнес-форумын құру мәселесіне келісілді.
Энергетика және инфрақұрылым министрі Сухайл Мухаммад ал-Мазруимен болған диалог барысында Өзбекстанның энергетикалық саласы мен инфрақұрылымын дамыту бағыттары бойынша екіжақты инвестициялық ынтымақтастықты кеңейтудің өзекті мәселелері талқыланды.
БАӘ тарапы Өзбекстан Республикасы мен Біріккен Араб Әмірліктері арасындағы ынтымақтастық тиімді және нәтижелі өзара серіктестіктің іс жүзіндік үлгісі екенін ерекше атап өтті, деп хабарлайды Инвестициялар, өнеркәсіп және сауда министрлігінің баспасөз қызметі.
