Сапардың мақсаты – қалыптасқан қарым-қатынастарды тереңдету және кеңейту арқылы екі елдің әділет министрліктері арасындағы ынтымақтастықты нығайту, Өзбекстан Республикасы Әділет министрлігінің әділет және құқықтың, сондай-ақ мемлекеттік басқарудың жекелеген салаларындағы ауқымды реформалар үдерісіндегі қызметімен танысу.
Ақпарат үшін: Өзбекстан Республикасы Әділет министрлігі мен Беларусь Республикасы Әділет министрлігі арасындағы өзара ынтымақтастық Мәскеуде 2021 жылдың 19 май айында қол қойылған ынтымақтастық туралы келісім негізінде жүзеге асырылуда.
Сапар аясында 16 ноябрьде Өзбекстан Республикасының Әділет министрі Акбар Ташкулов пен Беларусь Республикасының Әділет министрі Сергей Хоменконың екіжақты кездесуі өтті. Кездесу барысында Беларусь тарапына еліміздегі әділет және құқық, сондай-ақ мемлекеттік басқарудың әлеуметтік-экономикалық салаларындағы ауқымды реформалар туралы, сондай-ақ осы міндеттерді жүзеге асырудағы сот органдарының рөлі туралы толық ақпарат берілді.
Кездесу соңында Өзбекстан Республикасы Әділет министрлігі мен Беларусь Республикасы Әділет министрлігі арасында 2023 жылға арналған ынтымақтастық бағдарламасына қол қойылды. Бұл бағдарлама бірлескен іс-шараларды ұйымдастыруға және екі елдің әділет министрліктері арасындағы түрлі салаларда тәжірибе алмасуды тереңдетуге қызмет етеді.
Беларусь Республикасы делегациясының сапары барысында 16-18 ноябрь күндері Ташкент облыстық әділет басқармасының, Юнусабад аудандық мемлекеттік қызмет көрсету орталығының, әділет басқармасының, АХАТ бөлімінің және заңгерлік қызмет көрсету орталығының, сондай-ақ Өзбекстанның Нотариаттық палатасы мен «Мадад» қоғамдық ұйымының қызметімен танысады.
Әділет министрлігінің Қоғаммен
байланыс бөлімі.
