Бүгін Президент Шавкат Мирзиёев марқұмның отбасына барып, Құран оқылып, дұға бағышталды.
Мемлекет басшысы Исмоил Журабековтың елге сіңірген еңбегін, жасампаз істерін еске алды.
Исмоил Журабеков 1931 жылдың 12 қыркүйегінде Самарқанд қаласында жұмысшы отбасында дүниеге келген. Еңбек жолында су шаруашылығы саласында жауапты қызметтер атқарып, республикада ирригация мен мелиорацияны дамытуға үлкен үлес қосты. 1985 жылы Өзбекстан Министрлер Кеңесі төрағасының бірінші орынбасары болып тағайындалған.
Тәуелсіздік жылдары И.Журабеков Өзбекстан Республикасы Премьер-министрінің бірінші орынбасары, Мемлекеттік су бақылауының басшысы, сондай-ақ Президенттің мемлекеттік кеңесшісі лауазымында жемісті еңбек етті.
Соңғы жылдары да жасы ұлғайғанына қарамастан, Су шаруашылығы министрінің кеңесшісі ретінде қызмет етіп, Жаңа Өзбекстанды құруға бағытталған кең ауқымды реформаларды жүзеге асыруға белсене қатысқан.
Мемлекет және қоғам қайраткерінің халқымыз бен Отан алдындағы еңбектері жоғары бағаланып, ол «Өзбекстан Республикасына еңбегі сіңген ирригатор» құрметті атағымен және елдің бірқатар жоғарғы мемлекеттік наградаларымен марапатталған еді.
Мемлекет басшысы марқұмның ұл-қыздары мен туған-туыстарына көңіл айтып, сабыр тіледі. Өз кезегінде отбасы Президентке келіп, айтқан жылы сөздері мен қолдауы үшін ризашылық білдірді.
