Бұл ұсыныстар Президенттің қатысуымен өткен кезекті жиында талқыланды.
Шенеуніктер желідегі өндіріске мемлекеттік қолдау көрсету қажеттігі туралы пікір білдірді. Атап айтқанда, республикада шығарылатын электромобильдерді кәдеге жарату төлемінен, олардың құрамдас бөліктері мен қосалқы бөлшектерін, жабдықтарды, шикізатты кедендік баж салығынан босату көзделген. Сондай-ақ, өндіріс процесі толық жолға қойылғанша инвесторларға жеңілдетілген шарттармен электромобильдердің белгілі бір санын импорттауға мүмкіндік беру ұсынылып отыр.
Алдыңғы презентацияда Мемлекет басшысы электромобильдерді халық арасында танымал ету үшін оны сатып алуды ынталандыру керектігін айтқан болатын. Осының негізінде Өзбекстанның электромобильдерін сатып алуға берілетін несие пайызының белгілі бір бөлігін мемлекет өтейтіні көзделуде. 2023-2025 жылдары мемлекеттік басқару органдары, жергілікті өзін-өзі басқару органдары және мемлекет үлесі 50 пайыздан астам кәсіпорындардың электромобильдер сатып алуына қолдау көрсетіледі. Электр көлігімен жолаушыларды тасымалдау қызметін көрсететін тұлғаларға лицензия үшін мемлекеттік баж салығын төлеу жеңілдетіледі.
Электромобиль шығаруға қажетті шикізаттың бірі мыс екені белгілі. Өзбекстанда мыс кластерлері ұйымдастырылуда. Осыны пайдалана отырып, осы кластерлерде электромобильдер мен зарядтау станцияларына арналған компоненттер жасалады.
Кадр мәселесі де өте маңызды. Сондықтан Турин политехникалық университетінде электромобильдер мен олардың инфрақұрылымын зерттейтін ғылыми-зерттеу зертханасын құру, профессорлар мен мамандарды озық елдерге оқуға жіберу жоспарланған.
Жиында шенеуніктер аталған шаралардың нәтижесінде республикада жылына 15-25 мың электромобиль шығаруды жолға қоюға болатынын атап өтті.
Мемлекет басшысы бұл бағыт автокөлік өнеркәсібінде бәсекелестік тудыруы тиіс екенін айтты. Салаға қызығушылық танытқан кәсіпкерлермен берілген мүмкіндіктер талқыланып, олардың пікірлері мен ұсыныстары негізінде жеңілдіктерді одан әрі кеңейту, кәсіпкерлерді желіге тарту бойынша тапсырмалар берілді.
Техникалық тұрғыдан реттеуші агенттікке электромобильдер мен олардың құрамдас бөліктерін өндірудің халықаралық стандарттарын енгізу міндеті жүктелді.