Ағымдағы жылы инвестициялық бағдарлама аясында республикалық бюджет қаражаты есебінен жылумен қамту нысандарын салуға, қайта жөндеуге және жаңғыртуға 500,0 миллиард сум қаржы бөлінді.

Инвестициялық бағдарлама аясында республикалық бюджет қаражаты есебінен 2025-2029 жылдары жылу жүйесіндегі ескірген 103 қазандық және жылу жүйелеріндегі 1 632 мың шақырымды жылу желілері, сондай-ақ, 2025-2026 жылдары 18 қазандық пен 258 шақырым жылу желілері жаңартылатын болады.

Аумақтардағы 8 қазандық пен 80 шақырым жылу желілерінде құрылыс және жаңғырту жұмыстары жүргізілсе, 25 «Жаңа Өзбекстан» массивінде қазандық пен жылу желілерінің құрылыс жұмыстары жүргізілуде.

Жобаларды іске асыру нәтижесінде өңірлердегі 35 мыңнан астам пәтерден тұратын 1084 көпқабатты үй мен 110 әлеуметтік сала нысанын жылу энергиясымен қамтамасыз ету жоспарлануда.

Сонымен қатар, жылумен қамту жүйесін «жабық» жүйеге өткізуге қосымша 50 миллиард сум бөлінеді.

Мемлекеттік-жекеменшік серіктестік негізінде 9 жоба, жалпы қуаты 756 МВт болған 8 қазандық және 403 шақырым жылу желілерін жаңғырту, 2 105 жеке жылу пунктін орнату жоспарланған.

Жобаларды іске асыру нәтижесінде аумақтардағы 83 мыңнан астам үйден тұратын 1 850 көпқабатты үй мен 418 әлеуметтік сала нысандарын жылу энергиясымен қамтамасыз етуді жақсарту көзделуде.

Биыл мемлекеттік-жекеменшік серіктестік негізінде Нөкіс және Бұхара қалаларының жылумен қамту жүйелерінде бір мезгілдің өзінде екі түрдегі энергияны өндіруді көздейтін когенерация технологияларын енгізу жобалары іске қосылады.

Жобаларды жүзеге асыру нәтижесінде аумақтардағы 121 мыңнан астам пәтерден тұратын 2634 көпқабатты үй мен 480 әлеуметтік сала нысандарын жылу энергиясымен қамтамасыз етуді жақсарту жоспарлануда.