Мәлімет ретінде: 4-6 июнь күндері ДСҰ Бас директоры елімізге алғаш рет келуде. Сапар аясында Нгози Оконджо-Ивеала Өзбекстанның экономикалық реформалары мен ДСҰ-ға мүше болуы үдерісіне арналған жоғары дәрежедегі конференцияға қатысады деп күтілуде.
Кездесу барысында тараптар арасында келіссөздер үдерісі, еліміздегі бүгінгі экономикалық жағдай, жүргізіліп жатқан жүйелі реформалар мен оның нәтижелері, өзекті мәселелер мен алдағы міндеттер жан-жақты талқыланды.
Атап айтқанда, мемлекеттік қаржыны басқару, қызмет көрсету базарына кіру, бәсекелестік ортаны жақсарту мен жекешелендіру, реттеу туралы соңғы жылдары орындалған шаралардың сыртқы сауданы ырықтандыруды қамтамасыз етуде тікелей оң нәтижелерге тоқталды.
Сондай-ақ, кездесуде тараптар макроэкономикалық тұрақтылықты, адами капиталды дамытуды, жасыл экономиканы қолдап-қуаттау, кәсіпкерліктің жаңа бағыттарын енгізуді, жаңа жұмыс орындарын құруды және кедейшілікті азайту, қызмет көрсету саласын, атап айтқанда, ІТ, денсаулық сақтау және білім беру саласындағы қызметтерді дамыту, сондай-ақ туризм және өнеркәсіп саласындағы жүзеге асырылған істер туралы пікір алмасты.
Кездесу соңында ДСҰ Бас директоры Өзбекстанның ДСҰ мүше болуын жан-жақты қолдап-қуаттауды ерекше атап өтті, деп хабарлайды Экономика және қаржы министрлігінің баспасөз қызметі.
