Регулятордың мәлімдеуінше, экономикалық белсенділік күтілгеннен жоғары болып, инфляция төмендеу динамикасын жалғастырып келеді. Атап айтқанда, 2025 жылдың желтоқсан айында жылдық инфляция 7,3 пайызды, ал базалық инфляция 5,7 пайызды құрады.
Соған қарамастан, қызмет көрсету саласындағы инфляцияның жоғары болуы және азық-түлік бағаларындағы ықтимал тәуекелдер ақша-несие саясатын қазіргі қатаң деңгейде сақтауды талап етіп отыр.
2025 жылдың барысында ішкі валюта базарындағы оң орта мен экспорттық түсімдердің өсуі нәтижесінде ұлттық валюта — сум 6,9 пайызға нығайды.
Бұл үрдіс импорттық инфляция қысымын азайтуға және сыртқы қарызға қызмет көрсету шығындарын төмендетуге ықпал етті. Сонымен қатар алтын бағасының жоғары деңгейі экспорт пен бюджет кірістері үшін маңызды тірек болып қалуда.
Жаңартылған болжамдарға сәйкес, 2026 жылдың соңына қарай инфляция шамамен 6,5 пайыз шамасында болуы, ал экономикалық өсім қарқыны 6,5–7 пайызды құрайды деп күтілуде.
Орталық банк алдағы тоқсандарда инфляциялық күтулер тұрақты түрде төмендеген жағдайда негізгі мөлшерлемені азайту мүмкіндігін қарастыруы мүмкін. Негізгі мақсат — орта мерзімде инфляцияны 5 пайыздық мақсатты деңгейге түсіру және халықтың сатып алу қабілетін қорғау.
Регулятор басқармасының негізгі мөлшерлеме бойынша келесі жиналысы 2026 жылдың 18 наурызына белгіленген.
