Бұл медресенің 500 жылдық тарихы бар. Одан қаншама ғалым, имам, мүфтилер шықты. Бірақ өткен ғасырда оның мәртебесі арнайы оқу орнының деңгейіне дейін төмендеген еді. Ғимарат та ескіріп, кітап тапшы болатын.
Шавкат Мирзияев 2017 жылы осында келгенде жағдаймен танысып, медресенің тарихи мәртебесін қалпына келтіруді мақсат еткен еді. Ол үшін Арк жанынан жаңа ғимарат салынды және жақында пайдалануға берілді.
Жоғары медресе 200 орынға арналған. Мұнда Құран кәрім, хадис, фиқһ ілімі мен шет тілдері мұқият оқытылады. Бүгінгі таңда жалпы 107 студент білім алуда.
Оқу бөлмелері, кітапхана, белсенділер залы, студенттер жатақханасы мен қызмет үйі, спорт залы мен бассейнмен қоса барлық жағдай жасалған.
Мемлекет басшысы медресе студенттерімен сұхбаттасты.
– Мұндай ұзақ тарихы бар оқу орындары өте аз. Бүгін оның жағдайын жақсартып, тарихи әділеттілікті қалпына келтіргеніміз жақсы болды деп ойлаймын. Демократиялық реформаларымыздың нәтижесінде діни салаға да еркіндік енді. Сонымен бірге ақпараттық кеңістік те ашық. Ғаламторда ғылыми негізі жоқ түрлі түсініктер де бар. Бірақ тәжірибесіз жастар оларды қайдан біледі? Сіз сияқты білімді, имамдарымыз осыны дәлелдеп, дұрыс түсіндірулері керек, – деді Шавкат Мирзияев.
Діни білім беру сағаты мен сапасын реформалау, тәжірибемен байланыстыру жөнінде пікірлер айтылды.
Осымен Президенттің Бұхара облысына сапары аяқталып, Мемлекет басшысы Ташкентке қайтып оралды.
