Ашылу салтанатына Өзбекстан Республикасы Премьер-министрінің орынбасары – Инвестициялар және сыртқы сауда министрі С.Умурзақов пен Қазақстан Республикасы Премьер-министрінің орынбасары Р.Скляр қатысты. Делегация басшылары екі елдің көпқырлы ынтымақтастығының стратегиялық маңыздылығын атап өтіп, бұл тұрғыда іскер топтардың белсенді ынтымақтастығы маңызды орын тұтуын атап өтті.
Екі елдің үкіметтерінің Өзбекстан мен Қазақстан іскерлері арасында біріккен инвестициялық жобаларды жүзеге асыру үшін қолайлы жағдай жасау және екіжақты сауданы жандандыруда тікелей ынтымақтастық орнату үшін екі елдің үкіметтері ынтымақтастыққа дайын екендігі атап өтілді. Бұл бойынша қазірдің өзінде жұмыс жүргізілуде. Атап айтқанда, қолданыстағы тарифтік және тарифтік емес кедергілерді жою бойынша нақты іс-шараларды қамтитын өзара сауданы ұлғайту бойынша бірлескен «Жол картасын» бекіту, бірлескен көтерме сауда орталықтарын құру және ауыл шаруашылығы және азық-түлік өнімдерін тұрақты қамтамасыз ету бойынша басқа да бастамалар даярланды.
Екі елдің тауар өндірушілері арасында өнеркәсіптік ынтымақтастықты жолға қою және сол арқылы Өзбекстан мен Қазақстан экономикасының салыстырмалы үстемдіктерін ескере отырып, үздіксіз қосылған құн тізбегін қалыптастырудың кең болашағын атап өтті. Бұл саладағы ынтымақтастықтың нақты мысалдары келтірілді. Атап айтқанда, екі елде тоқымашылық, машинажасау, пайдалы қазба байлықтарын қазып алу, құрылыс, тағы басқа да салалардағы бірқатар кәсіпорындар сәтті іске қосылды. Өзбекстан мен Қазақстан арасындағы өндірістік кооперацияны кеңейту және тереңдету бойынша айрықша «Жол картасын» жүзеге асыруда да табыстарға қол жеткізілді.
Бұл саладағы ынтымақтастықты дамытуға, оның ішінде жаңа алдағы жобаларды жасау және кәсіпкерлікті бірге бизнес ынтымақтастыққа тартуға екі жақтың да ниеті бар екені айтылды.
Осы орайда жаңа бастама – екі елдің шекара аумағында Халықаралық өнеркәсіптік ынтымақтастық орталығын құру ерекше атап өтілді. Орталық қажетті өндірістік инфрақұрылыммен жабдықталады. Оның резиденттері өзбекстандық және қазақстандық кәсіпкерлерді біріккен кәсіпорындар құруға тартатын бірқатар жеңілдіктер мен преференцияларға ие болады.
Форум барысында екі елдің министрліктерінің, кеңселердің, салалық бірлестіктер мен аумақтық басқармалардың басшылары, бизнес өкілдері тұсаукесер өткізді. Онда ынтымақтастықтың әлеуеті жан-жақты ашып берілді және алдағы уақытта өндіріс үшін болашағы бар жобалар ұсынылды. “G2B” және “B2B” келіссөздерінде ынтымақтастықтың іс жүзіндік және біріккен жобаларды жүзеге асыруға мемлекеттік қолдау көрсету механизмдері талқыланды.
Шара соңында екі ел Премьер-министрлерінің орынбасарлары Өзбекстан мен Қазақстан ортасындағы экономикалық ынтымақтастықты одан әрі кеңейтуге, берік іскерлік байланыстар орнатуға және біріккен жобалар мен бастамаларды жүзеге асыруда кәсіпкерлерді жан-жақты қолдап-қуаттауға адал екендіктерін білдірді.
Форум соңында жалпы құны 5,9 млрд долларды құрайтын біріккен жобалар мен бастамаларды жүзеге асыру туралы сауда келісімдері мен екіжақты келісімдерге қол қойылды, деп хабарлайды Инвестициялар және сыртқы сауда министрлігінің баспасөз қызметі.
