Олий Мажлис Сенатының Төрайымы Танзила Нарбаева Женеваға ресми сапары аясында Халықаралық еңбек ұйымының (ХЕҰ) Бас директоры Жилбер Унгомен кездесу өткізді.
Кездесуде ынтымақтастықтың жаңа кезеңіне, алдыңғы кездесулерде қол жеткізілген келісімдердің жай-күйі мен нәтижелеріне назар аударылды.
Атап айтқанда, лайықты еңбек қағидаттарын жүйелі түрде жүзеге асыру, сондай-ақ ХЕҰ-мен әлеуметтік әділеттіліктің жаһандық коалициясы аясындағы ынтымақтастық пен болашақ жоспарлары талқыланды.
Сондай-ақ Өзбекстанда кедейшілікті азайту және халықтың әл-ауқатын жақсартуға бағытталған бағдарлама енгізілгені, онда Халықаралық еңбек ұйымы ұсынған стандарттар ескерілгені ерекше айтылды.
Сонымен бірге, кездесуде лайықты еңбек жүйесін жетілдірудегі заңдылыққа қатысты реформалардың маңыздылығы туралы пікірлесті және сол орында парламенттің ықпалы мен өкілеттіктерін тиімді пайдалану жөнінде пікір алмасылды, деп хабарлайды Олий Мажлис Сенатының баспасөз қызметі.
