Шараны Туризм комитеті, Өзбекстанның Астана қаласындағы елшілігі және Ақтөбе қаласындағы Бас консулдықпен бірлесіп ұйымдастырылды.
Кездесу қатысушыларына Өзбекстанның туристік мүмкіндіктері мен мәдени-тарихи мұрасы туралы тұсаукесер өткізілді. Сондай-ақ, Ақтөбе облысының туристік компанияларының өкілдері Өзбекстанның туристік орталықтарымен, бірегей бағыттарымен, көлік-логистикалық мүмкіндіктерімен және елдегі танымал туризм түрлерімен танысты.
Қазақстандық туроператорлардың өкілдері Қазақстан азаматтарының Өзбекстанға саяхат сапарларын ұйымдастыруға үлкен қызығушылық танытты. Атап айтқанда, Қазақстан саяхатшылары, әсіресе, Ақтөбе облысынан келетін саяхатшылар Өзбекстанның тарихи қалаларына, Шымған тауларына, Қызылқұмға, Арал теңізі бойлап экологиялық туризмге, сонымен қатар гастрономиялық және медициналық-сауықтыру туризміне қызығушылық білдірілгені айтылды.
Кездесу қатысушылары Өзбекстанның Қазақстанның түкпір-түкпірінен туристерді тартудың бірегей мүмкіндіктері бар екенін айтты, деп хабарлайды Туризм комитетінің баспасөз қызметі.
