21 маусымда «Куксарой» резиденциясында Өзбекстан Республикасына мемлекеттік сапармен келген Әзірбайжан Республикасының Президенті Ильхам Әлиевті ресми қарсы алу рәсімі өтті.
Екі елдің мемлекеттік туларымен безендірілген алаңда Әзірбайжан Президентінің құрметіне құрметті қарауыл сап түзеді.
Жоғары мәртебелі мейманды Өзбекстан Республикасының Президенті Шавкат Мирзияев қарсы алды.
Мемлекет басшылары мінберге көтерілді. Өзбекстан мен Әзірбайжанның мемлекеттік әнұрандары шырқалды.
Мемлекет басшылары сап түзеген құрметті қарауыл алдынан жүріп өтті.
Салтанатты шараға Өзбекстан мен Әзірбайжанның ресми делегацияларының мүшелері қатысты.
