Мемлекет басшысы Ресей көшбасшысын туған күнімен құттықтап, оған зор денсаулық, бақыт пен табыс, ал достас Ресей халқына өркендеу тіледі.
Жоғары деңгейдегі келісімдерді іске асыру аясында Өзбекстан мен Ресей арасындағы жан-жақты стратегиялық әріптестік пен одақтастықты одан әрі дамыту және нығайтудың өзекті мәселелері талқыланды.
Екіжақты тауар айналымының өсу қарқынын сақтау, жетекші кәсіпорындар мен компаниялардың өнеркәсіп, энергетика, ауыл шаруашылығы және басқа да басым бағыттардағы кооперациялық жобаларын ілгерілету, сондай-ақ екі ел өңірлерінің іскерлік байланыстарын кеңейтуге ерекше назар аударылды.
Сонымен қатар мәдени-гуманитарлық алмасулардың белсенді түрде жалғасып жатқаны атап өтілді.
Тараптар халықаралық және өңірлік маңызы бар өзекті мәселелер жөнінде де пікір алмасып, алдағы іс-шаралар жоспарын қарастырды.
