Кездесу басында министр Мемлекет басшысына БАӘ Президенті шейх Мұхаммед Әл Нахаян, Премьер-Министрі Шейх Мұхаммед Әл-Мактум, Вице-Президент Шейх Мансур Әл Нахаянның және Абу-Даби тақ мұрагер ханзада Шейх Халид Әл Нахаянның шынайы сәлемі мен ізгі тілектерін жеткізді.

Сауда-экономикалық және инвестициялық ынтымақтастықтың бірлескен жобаларын қолдау мен ілгерілетудің өзекті мәселелері қаралды.

Экономиканың басым салаларында серіктестіктің қарқынды дамып келе жатқаны атап өтілді. Сауда, бірлескен кәсіпорындар мен тікелей әуе қатынасының көлемі артып келеді. Екі елдің жетекші компанияларының қатысуымен жүзеге асырылған жобалар қоржыны 4 миллиард долларға жетті.

Энергетика, көлік, логистика, ауыл шаруашылығы, сумен жабдықтау және басқа да салалардағы ірі жобаларды жеделдетуге ерекше назар аударылды.