Мемлекет басшысы Брюссель қаласында Еуропа кеңесінің Президенті Антониу Кошта, Еуропа комиссиясының Президенті Урсула фон дер Ляйен және Бельгия Королі Филипппен мазмұнды келіссөздер өткізді.
Шавкат Мирзиёев Өзбекстан мен Еуропа Одағы арасындағы кеңейтілген әріптестік және ынтымақтастық туралы тарихи келісімге қол қою рәсіміне де қатысты. Бұл құжат өзара тиімді серіктестікті, ең алдымен, сауда мен инвестиция салаларындағы байланыстарды кеңейтіп, нығайту үшін жаңа әрі ауқымды құқықтық негіз қалыптастырады.
Мемлекет басшысы сондай-ақ Еуропаның жетекші компаниялары мен қаржы институттарының басшыларымен кездесіп, басым бағыттар бойынша жаңа бірлескен жобаларды жүзеге асыру мәселелерін талқылады.
Сапар барысында Өзбекстанның Дүниежүзілік сауда ұйымына мүшелікке өтуі бойынша Еуропа Одағымен екіжақты келіссөздердің аяқталғаны да хабарланды.
Бағдарламадағы шаралар аяқталған соң, Президент Шавкат Мирзиёев Ташкент қаласына қайтып оралды.
