14 қазанда Мемлекет басшысы Қазақстанның төрағалығымен өтетін Жоғары Еуразиялық экономикалық кеңестің кезектен тыс сессиясында бақылаушы ретінде сөз сөйлейді.
Кеңестің құрамына Ресей, Беларусь, Қазақстан және Қырғызстан Президенттері мен Армения премьер-министрі кіреді. Осы кездесуде бақылаушы ретінде Куба президенті де сөз сөйлейді деп күтілуде.
Кездесудің күн тәртібіне сәйкес Еуразиялық экономикалық одақ аясында көпжақты сауда -экономикалық ынтымақтастықты одан әрі нығайтудың өзекті мәселелері қаралады.
Өзбекстан басшысы өз сөзінде ЕАЭО мен практикалық ынтымақтастықтың перспективалы бағыттарын белгілеп бермек.
Айта кету керек, ұйым жанындағы бақылаушы мемлекеттік мәртебесі Өзбекстанға өткен жылдың желтоқсанында берілді. Осы жылдың сәуірінде Өзбекстан Республикасы Үкіметі мен Еуразиялық экономикалық комиссия ынтымақтастық туралы меморандум және 2021-2023 жылдарға арналған Бірлескен іс-қимыл жоспарын қабылдады.
15 қазан күні ТМД Мемлекет басшылары кеңесінің мерейтойлық отырысы өтеді. Оның жұмысына Армения, Беларусь, Молдова, Әзірбайжан, Ресей, Тәжікстан, Түркіменстан, Қырғызстан, Қазақстан мен Өзбекстан басшылары қатысады деп күтілуде.
Беларусь төрағалығымен өтетін іс-шарада ұйымның 30 жылдық ынтымақтастығының нәтижелері, сондай-ақ сауда, инвестициялар, өндірістік кооперация, көлік, көші-қон, мәдени-гуманитарлық алмасулар саласындағы серіктестікті одан әрі кеңейту бойынша бірлескен жоспарлар талқыланады.
Кездесуде қауіпсіздіктің қазіргі заманғы қатерлерімен күресу және кең аймақта тұрақты дамуды қамтамасыз ету мәселелері қарастырылған.
Достастыққа төрағалық ететін Өзбекстан Президенті ТМД-ны дамытудың ұзақ мерзімді тұжырымдамасының мақсаттары мен міндеттеріне жету үшін бірқатар маңызды бастамаларды алға тартпақ.
Іс-шара соңында ТМД-да өзара тиімді ынтымақтастықты нығайтуға бағытталған көпжақты құжаттар топтамасы қабылданады.
