Сауда-экономикалық, көлік-логистика және мәдени-гуманитарлық салалардағы өзара тиімді ынтымақтастықты одан әрі кеңейту мәселелері талқыланды.

Грузия Премьер-Министрінің биылғы наурыз айында Өзбекстанға жасаған сапары барысында қол жеткізілген келісімдердің орындалу нәтижелері атап өтілді.

Ведомствоаралық белсенді байланыстар жалғасуда, сыртқы істер және экономика министрлерінің кездесулері өтті. Тауар айналымы мен жүк тасымалы көлемі, сондай-ақ бірлескен жоба мен кәсіпорындар саны артып келеді.

Өзара тауар жеткізілімін көбейту, ауыл шаруашылығы, тоқыма, электр техникасы, фармацевтика, азық-түлік өнеркәсібі салаларында, сондай-ақ логистикада кооперациялық жобаларды ілгерілету бойынша үйлестірілген шаралар қабылдау қажеттігі атап өтілді.