Малайзиялық делегация Самарқанд қаласында өтіп жатқан Біріккен Ұлттар Ұйымының Мемлекеттік қызмет жөніндегі форумына қатысу және екіжақты келіссөздер өткізу мақсатында Өзбекстанға ресми сапармен келген.
Кездесу басында Фадиллах бен Юсуф Өзбекстан басшысына Премьер-Министр Анвар Ибрагимнің сәлемі мен ізгі тілектерін жеткізді.
Өзбекстан мен Малайзия арасындағы жан-жақты ынтымақтастықты биыл ақпанда Куала-Лумпурда өткен жоғары деңгейдегі сапар аясында қол жеткізілген келісімдер негізінде кеңейту мәселелері талқыланды.
Әртүрлі деңгейдегі байланыстар, сапарлар мен тәжірибе алмасулардың белсенділігі атап өтілді. Жыл басынан бері екі ел арасындағы тауар айналымы 25 пайызға өсті. Бірлескен кәсіпорындар мен әуе қатынасы саны артты. Ертең екі елдің жетекші компаниялары қатысатын іскерлік форум өтеді.
Кездесуде екі ел арасындағы экономикалық әлеуетті тиімді іске асырудың маңыздылығы атап өтіліп, сауда, инновациялар, «жасыл» энергетика, мұнай-газ және химия өнеркәсібі, геология, су ресурстарын басқару, электроника және жартылай өткізгіштер өндірісі, денсаулық сақтау, кадрлар даярлау, зиярат туризмін дамыту секілді басым бағыттарда кооперациялық жобаларды ілгерілету қажеттігі баса айтылды.
