Кездесуде басым бағыттар бойынша бірлескен жобалар мен бағдарламаларды тиімді ілгерілетуге кең мүмкіндіктер бар екендігі айтылып, бүгінгі екіжақты бизнес форумның жемісті нәтижелері мұны тағы да растады.
Олардың қатарында бірлескен индустриалды парк құру, химиялық, металл, электротехникалық бұйымдар мен түрлі жабдықтар, құрылыс материалдарын шығаратын жоғары технологиялық кәсіпорындар құру, бірлескен зерттеулер, цифрландыру және инновациялық шешімдер енгізу бар.
Отырыста жоғары сұранысқа ие өнеркәсіптік және ауылшаруашылық өнімдерінің өзара ұсынысын арттыру үшін кең сауда-логистикалық желіні дамыту қажет екендігі айтылды.
Сонымен қатар, қала құрылысы, тұрғын үй-коммуналдық шаруашылық және көгалдандыру, көлік коммуникациясы мен инфрақұрылымын жақсарту, сондай-ақ осы салалардағы озық технологияларды зерттеу саласындағы ынтымақтастыққа ерекше назар аударылды.
Мәдени-гуманитарлық және білім беру саласындағы белсенді алмасулар жалғасатын болады.
Кездесу соңында бірлескен «жол карталары» негізінде басты бағыттар бойынша практикалық серіктестік жобаларын ілгерілету туралы келісімге қол жеткізілді.
