Іс-шараға Жапония Премьер-министрі Санаэ Такаичи, Қазақстан Республикасының Президенті Қасым-Жомарт Тоқаев, Қырғыз Республикасының Президенті Садыр Жапаров, Тәжікстан Республикасының Президенті Эмомали Рахмон және Түркіменстан Президенті Сердар Бердімұхамедов те қатысты.
Форум барысында Орталық Азия мен Жапония арасындағы сауда-экономикалық ынтымақтастықты дамыту, аймаққа Жапония инвестициясы мен озық технологияларын тарту, өнеркәсіптік кооперацияны кеңейту, сондай-ақ іскерлік топтар арасындағы тікелей байланыстарды нығайтудың өзекті мәселелері талқыланды.
Бірқатар бірлескен экономикалық жобалар тұсаукесері өтті. Атап айтқанда, JBIC және NEXI қолдауымен «Sumitomo», «Chubu Electric Power» және «Shikoku Electric Power» компаниялары тарапынан Өзбекстанда екі күн электр станциясын салу, «Toyota Susho» компаниясының қатысуымен IT-инфрақұрылымды жаңғырту, «Sojitz» компаниясы тарапынан көпсалалы медициналық орталық құру, сондай-ақ «JOGMEC» қатысуымен аса маңызды жаңа минералды кен орындарын игеру жөніндегі Өзбекстан–Жапония инвестициялық бастамалары ұсынылды.
Көшбасшылардың қатысуымен аталған жобалар бойынша тиісті құжаттар алмасылды.
