Мемлекет басшысы кездесуді аша тұрып, Әзірбайжан Өзбекстанның жақын досы және уақыт сынынан өткен сенімді стратегиялық серіктес екенін атап өтті. Елдерімізді ортақ дін, рухани құндылықтар, дәстүрлер, тіл мен мәдениет байланыстырады.
Шавкат Мирзияев өзара тиімді ынтымақтастықтың жоғары деңгейге көтерілгенін, елдеріміз арасындағы достық пен өзара түсіністік байланыстары нығайып келе жатқанын атап өтті. Өзбекстан-Әзербайжан стратегиялық серіктестігін одан әрі кеңейтуге және оны жаңа практикалық мазмұнмен байытуға бел байлағанын қуаттады.
Өзбекстан Президенті ынтымақтастықтың орасан зор әлеуетін іске асыру, екі елдің экономикасын толықтыратын факторларды пайдалану қажеттігін айтты.
Атап айтқанда, Мемлекет басшысы өзара сауда көлемін ұлғайту, өнеркәсіптік кооперацияны кеңейту, машина жасау, электротехника, тоқыма өнеркәсібі, шарап, тамақ, құрылыс, мұнай-газ, газ химиясы, фармацевтика, агроөнеркәсіптік кешен сияқты бірқатар жобаларды жүзеге асыруды ұсынды. Екі елде ынтымақтастықтың перспективалық жобаларын дамыту және ілгерілету үшін бірлескен инвестициялық қор құру туралы уағдаластыққа қол жеткізілді.
Сондай-ақ, өнімдерді үшінші ел нарығына шығару үшін елдеріміздің аумағындағы еркін экономикалық аймақтарда бірлескен жобаларды жүзеге асырудың маңызы зор екені айтылды.
Осыған байланысты көлік коммуникациялар жүйесін, оның ішінде «Баку-Тбилиси-Карс» темір жолын пайдалана отырып, осы саладағы жұмыстың тиімділігін арттыру шаралары келісілді. Екіжақты сауда мен жүк транзитіндегі кедергілерді дер кезінде жою үшін көлік министрлері жетекшілік ететін арнайы жұмыс тобы құрылады.
Ынтымақтастықтың тағы бір перспективті бағыты – ауыл шаруашылығы. Осыған байланысты мүмкіндіктерді атап өткен жауапты минимтрлерге жібек кластерін құру, мақта саласындағы жобаларды ілгерілету, инновациялық әзірлемелерді енгізу бойынша «Жол картасын» келісіп алу тапсырылды.
Көпқырлы ынтымақтастықты кеңейтуде өңірлер арасындағы тікелей байланыстар маңызды рөл атқарады. Тараптар жақын арада екі елдің астаналары мен ірі қалалары өзара ынтымақтастық орнататынына келісті. Мемлекет басшысы биылғы жылы Ташкентте бірінші Өңірлік форум мен олардың өнеркәсіптік әлеуетіне арналған көрмені өткізуді ұсынды.
Туризм саласындағы ынтымақтастықты кеңейту іскерлік және гуманитарлық байланыстарды одан әрі нығайтуға да қызмет ететіні айтылды. Президенттер осыған байланысты жеке бағдарлама қабылдап, бірлескен туристік жәрмеңке өткізу идеясын қолдады.
Келіссөздер барысында мәдени-гуманитарлық байланыстарды нығайту, оның ішінде мәдениет және кино күндерін өткізу, жоғары оқу орындары, ғылыми мекемелер, спорт және жастар ұйымдары арасындағы байланысты нығайту мәселелері бойынша басқа да бірқатар келісімдерге қол жеткізілді.
