Әзербайжан басшысы Мемлекет басшысын туған күнімен шынайы құттықтап, оған мықты денсаулық, бақыт және Өзбекстанның тұрақты дамуы мен өркендеуі жолындағы мемлекеттік қызметіне табыс тіледі.
Әңгіме барысында осы айдың басында Өзбекстан Президентінің Әзербайжанға жасаған тарихи мемлекеттік сапарының жемісті нәтижесі атап өтілді.
Көшбасшылардың кездесулері мен Жоғары мемлекетаралық кеңестің екінші отырысы қорытындысында қол жеткізілген келісімдердің орындалуы Өзбекстан мен Әзербайжан арасындағы одақтастық қатынастарды нығайтуға және көпжақты ынтымақтастықты кеңейтуге қызмет ететіні айтылды.
Екі ел арасындағы тауар айналымы жыл басынан бері 30 пайызға артты. Қазіргі таңда индустриялық аймақ пен логистикалық компания құруды қамтитын болашағы зор кооперациялық жобалар портфелі әзірленіп жатыр. Сонымен қатар, мұнай-газ саласындағы стратегиялық жоба бойынша Өнім бөлісу туралы келісімге қол қойылды.
Өзбекстан мен Әзербайжан арасындағы дипломатиялық қатынастардың орнағанына 30 жыл толуына орай ірі бірлескен іс-шараларға дайындық жұмыстары жүргізілуде.
