Әңгіме барысында Өзбекстан мен Ресей арасындағы кең ауқымды стратегиялық серіктестік пен одақтастық қатынастарды одан әрі дамыту және нығайтудың өзекті мәселелері талқыланды. Ең алдымен, жоғары деңгейде қол жеткізілген, әсіресе сауда-экономика саласына қатысты келісімдерді іске асыруға ерекше назар аударылды.
Тараптар тауар айналымын ұлғайту, экономиканың басым секторларында өнеркәсіптік кооперация жобаларын ілгерілету, өңірлік деңгейдегі тиімді байланыстарды, сондай-ақ мәдени-гуманитарлық және білім алмасуды кеңейту үшін үйлестірілген іс-қимылдар мен ведомствоаралық ынтымақтастықты жалғастырудың маңызын атап өтті.
Осы тұрғыда, биылғы күзде өткізу жоспарланған Өзбекстан мен Ресей өңірлері кеңесінің екінші отырысына мұқият дайындалып, оның нәтижелілігін қамтамасыз ету қажеттігі баса айтылды.
Сондай-ақ, Мемлекет басшылары халықаралық күн тәртібіндегі мәселелер бойынша пікір алмасып, алдағы іс-шаралар жоспарын талқылады.
