Өзбекстан дипломаттары Жапонияның «ASICS Corporation» басқаруды атқару менеджері Кодама Коичиромен елімізде брэнд спорт киімдері және аяқ киім өнімдерін өндіру бойынша біріккен жобаларды жүзеге асыру болашағын талқылау мақсатында келіссөздер жүргізді.
Шарада Өзбекстанның инвестициялық әлеуеті, тоқыма және былғары өнеркәсібінің даму жағдайы, «Ўзтўқимачиликсаноат» және «Ўзчармсаноат» ұйымдарына қарасты кәсіпорындардың өндірістік қызметімен таныстырылды. Сонымен қатар, Кодама Коичиро тоқыма өнеркәсібінде жоғары қосымша құны бар дайын өнімдер, сондай-ақ былғары өнеркәсібінде халықаралық деңгейде танылған брендтер атауымен өнімдерді шығаратын кластерлердің қызметімен таныстырылды.
Өзбекстан өкілдері тиісті өндірістік қуаттардың бар екендігі, логистикалық және басқа да инфрақұрылымдар, жұмыс күшін, жеңілдіктер мен преференцияларды, кең географиялық қамтуды және өнімді басқа елдерге, сондай-ақ GSP+ шеңберінде Еуропа елдеріне экспорттау мүмкіндіктерін ескере отырып, елімізде «ASICS» брэндімен спорт өнімдерін өндіруді жолға қоюды ұсынды, деп хабарлайды «Дунё» АА.
«ASICS Corporation» – спорттық жабдықтарды өндіруге мамандандырылған трансұлттық корпорация. Соңғы жылдары компания шығарған кроссовкалар базарда ең жақсы деп бағаланды. «ASICS» брэндімен өндірілетін және сатылатын өнімдерге аяқ киім, киім-кешек және аксессуарлар кіреді.
