Форумның басты мақсаты – Орталық және Оңтүстік Азия елдері арасындағы тарихи жақын және достық байланыстарды, сенім мен тату көршілікті екі аймақ халықтары мен елдердің мүдделерін нығайту.
Конференцияға Өзбекстан Республикасы Президенті, Ауғанстан Ислам Республикасының Президенті, Пәкістан Ислам Республикасының Премьер-Министрі, Орталық және Оңтүстік Азия елдері, басқа шетелдік елдердің сыртқы істер министрлері мен жоғары деңгейдегі өкілдері, жетекші халықаралық және аймақтық ұйымдар, әлемдік қаржы институттары мен компаниялары және сараптама орталықтарының басшылары қатысады деп жоспарланған.
Форумға қатысушылар пленарлық және салалық мәжілістерде аймақтық байланыстарды одан әрі нығайту шеңберінде сауда-экономикалық, көлік-коммуникациялық және мәдени-гуманитарлық ынтымақтастықты дамытуға бағытталған бастамаларды ілгерілету мүмкіндігін талқылайды.
Конференция күн тәртібіне сауда, инвестиция, көлік, энергетика және инновация, жасыл технологиялар саласындағы ынтымақтастықты дамыту, ынтымақтастық бойынша нақты жобалар мен бағдарламаларды іске асыру, туризм, білім беру, денсаулық сақтау, ғылым және мәдениет саласындағы серіктестіктерді кеңейту, тұрақтылық пен қауіпсіздікті қамтамасыз ету бойынша егжей-тегжейлі пікір алмасу мен бірлескен ұсыныстар әзірлеу орын алған.
