Мемлекеттік басқаруды, азаматтық қызмет пен ғылыми зерттеулер бағыттары бойынша БҰҰ жүйесінде мемлекеттік қызметшілердің біліктілігін арттыру бағдарламаларын қамтыған бірлескен бастамаларды жүзеге асыруға келісілді.
Кездесу соңында ынтымақтастық туралы келісімге қол қойылды. Осы келісім «Эл-юрт умиди» қорының тарихындағы БҰҰ жүйесі ұйымымен байланыстарды нығайтатын алғашқы ресми құжат болып табылады.
Құжатқа сәйкес, тараптар мемлекеттік қызметшілер мен қор стипендиаттарын даярлауды және олардың біліктілігін арттырудың бірлескен бағдарламаларын әзірлеп, жүзеге асырады, зерттеулер мен техникалық әзірлемелермен алмасады.
Конференциялар, семинарлар, іс жүзіндік жаттығулар және тағы басқа да кәсіби іс-шаралар жоспарланған. UN ICSC цифрлық басқару, адам ресурстарын басқару және азаматтық қызмет тәжірибесі салаларында сараптамалық және техникалық көмек көрсетеді, деп хабарлайды «Эл-Юрт умиди» қорының баспасөз қызметі.
