Анықтама үшін: Posco Group Кореяның металлургия, энергетика, химия және тоқымашылық өнеркәсібіндегі өндірістік қуаттары бар конгломерат есептеледі. Корпорацияның жылдық айналымы 69 миллиард долларды құрайды.
1996 жылдан бастап Өзбекстанда жеңіл өнеркәсіптегі «Posco Group» компанияларының бірі - «Posco International Textile» қызмет көрсетіп, Ферғана және Бұхара облыстарында 3 жіп иіру және 2 тоқымашылық фабрикасын басқарады.
Келіссөздер барысында Ферғана облысындағы тоқымашылық кластерінің қызметін кеңейту, атап айтқанда, жаңа мақта тазалау зауытын салу, сондай-ақ дайын тоқымашылық өнімдері бойынша өндіріс орындарын ұйымдастыру мәселелері талқыланды.
Сонымен қатар, Корея тарапы Қашқадария мен Ташкент облыстарында жаңа кластерлер құру арқылы Өзбекстандағы инвестициялық портфелінің көлемін ұлғайтуға мүдделі екенін білдірді.
Кездесу соңында тараптар ынтымақтастықты дамыту және біріккен жобаларды нәтижелі жүзеге асыру мақсатында екіжақты тұрақты кездесулер тәжірибесін жалғастыруға келісті, деп хабарлайды Инвестициялар, өнеркәсіп және сауда министрлігінің баспасөз қызметі.
