Ташкент қаласы әкімдігінің ресми сайтында жарияланған құжатқа сәйкес, базарлар мен сауда кешендерінде жарнамалық бейнероликтер, клиптер немесе кез келген басқа да коммерциялық контент даярлау мақсатында фото және бейне түсіру үшін төлем енгізілді.
Жаңа тарифке орай, суретке түсіру қызметі сағатына 5 миллион сум болып белгіленген. Бұл талап тек жарнамалық және коммерциялық мақсаттарға қатысты.
Шетелдік туристер мен БАҚ өкілдері үшін ерекше жағдай жасалған - бұл талап оларға қолданылмайды.
Жаңартылған тарифтерде инвентарды жалға алу, сонымен қатар қызмет көрсету және автотұрақ үшін төлем ставкалары да көрсетілген. Жаңа тәртіп 18 ноябрьден күшіне енді.
