Өзбекстанда жетім және ата-анасының қамқорлығынсыз қалған балаларға ерекше көңіл бөлінеді. Мемлекет тарапынан жасалып жатқан жеңілдіктердің нәтижесінде мұндай балаларды асырап алған отбасылар саны артып келеді. Атап айтқанда, 131 отбасылық балалар үйі құрылып, 808 ұл-қыз тәрбиеге алынған.
Мұндағы отбасылық балалар үйі де осы бағыттағы жұмыстардың заңды жалғасы. 2 қабатты ғимарат Ұлттық гвардия тарапынан қайта жөндеуден өтіп, 12 отбасыға жағдай жасалды. Барлық пәтерлер тұрмыстық техника, жиһаз және тұрмыстық техникамен жабдықталған.
Президент осындай отбасылардың бірі – Иномжон мен Дилдора Давлатовтардың үйінде болды. Олар 4 жетім баланы өз қамқорлығына алған.
Балалар өз отбасы болуын армандағанын, бұл арманы мемлекет тарапынан жасалып жатқан қамқорлықпен орындалғанын айтты.
Мұндағы 238-ші жалпы білім беретін мектепте ата-аналардың өз балалары мен тәрбиеленушілері білім алуда.
Бұл кешенде 2 спорт залы, шағын футбол стадионы, ойын және воркаут алаңдары, жазғы сахна бар. Әдемі және жеміс ағаштары отырғызылған. Осынау шағын шаруа қожалығында күнкөріс өнімдері өсіріледі.
Мемлекет басшысы білім және спорт үйірмелерінде болып, жастармен әңгімелесті.
Осы жерде Ташкент қаласы аудандарының өңірлік дамуы мәселелеріне арналған жиын өтті.
Өткен 11 айда Ташкент қаласында 650 жоба жүзеге асырылып, 30 мың жұмыс орны ашылған. Атап айтқанда, бұл ауданында жаңадан ашылған кәсіпкерлік субъектілерінің саны 1110-ға көбейді.
Ташкентте сауда, өнеркәсіп, қызмет көрсету салаларын дамыту үшін зор мүмкіндіктер бар екені айтылды. Осыны барынша пайдаланып, Ташкент қаласын жұмыссыз аймаққа айналдыру міндеті қойылды.
Мемлекет басшысы әлеуметтік мәселелерді шешуге ерекше көңіл бөлді.
Ташкент қаласында 584 шағын аудан бар. Оларды абаттандыру, жолдарды дұрыстау бағытында қыруар жұмыстар атқарылуда.
Мемлекет басшысы алдағы жоспарлар, тұрғындардың талап-тілектері бойынша махалла басшыларымен сұхбаттасты.
Солардың негізінде 44 әлеуметтік нысанды жөндеу, балабақша, емхана, демалыс саябағын құру шаралары белгіленді.
Ташкенттегі 12 жылу орталығының барлығы 1968-1986 жылдары салынған, жабдықтары ескірген. Сондықтан оның 9-ы негізінде заманауи жылу және электр энергиясын өндіретін орталықтар құрылады. Соның нәтижесінде Ташкент қаласында жыл сайын 3 миллиард киловатт-сағаттан астам электр энергиясы өндіріледі.
Жаңа жыл мерекесі қарсаңында базарларға азық-түлік өнімдерін жеткізу және тұрғындардың қауіпсіздігін қамтамасыз ету бойынша тапсырмалар берілді.
